Minister Dangui Oduber su maneho di turismo ta dirigi riba calidad, diversificacion, mehoracion di servicio y mas cu obvio tambe den upgrading di areanan turistico.
Den cuadro di diversificacion ya caba Minister Oduber a percura pa diversifica nos Turismo den e area Norte Americano. Asina a logra vuelonan directo cu American Airlines for di Chicago y Dallas. E vuelo directo di Dallas ta sumamente importante pa e conexion di West Coast pa Aruba caminda Dallas ta bira un hub principal.
Banda di esaki ta trahando duro pa aumenta e cantidad di bishitantenan for di Canada y tambe diversifica e Mercado for di Europa.
Aruba su cifranan pa locual ta trata bishitantenan di Hulanda ta asina positivo y ta yega titulacion internacionalmente den notica.
Pa e promer mitar di aña 2019 Aruba a conoce un total di 21.731 mil pasahero procedente di Hulanda cu ta posiciona su mes na e tercer Mercado pa Aruba. E Mercado principal manera ya ta conoci ta e Mercado di merca cu 575.694 mil pasahero sigui pa esun di Canada cu 28.519 mil. E Mercado hulandes a contribui den e promer mitar di 2019 cu 274.337 anochi den hotel di cual esaki ta un crecemento di 20.8% compara cu aña 2018!
Minister Oduber ta hopi satisfecho cu e desayoronan positivo y record den e Mercado Europeo. Diversificacion di mercado ta keda un strategia di enfoke pa Ministerio di Turismo.
Turismo ta keda nos forsa y driver principal di nos economia