Minister Dangui Oduber cu palabra di felicitacion Aruba Beach Club a conoce un General Manager Arubiano den nomber di sr. Narshell Gibbs
ORANJESTAD - Recientemente Ministerio di Turismo a ricibi e noticia cu Aruba Beach Club a nombra un General Manager nobo. E persona cu a keda apunta na cabes pa maneha e hotel di Aruba Beach Club ta sr.Narshell Gibbs. Aruba Beach Club a habri su portanan na aña 1977 y ta e prome hotel estilo timeshare na Aruba caminda e miembronan ta e doño.
Sr.Narshell Gibbs no ta un persona desconoci den e mundo di hospitalidad, e a traha den diferente posicion den cual e la desaroya su mes. Sr.Narshell Gibbs a traha na diferente compania y tin experencia amplio di mas di 20 aña den resort management y servicio pa cliente. Aruba Beach Club sigur tin un bon Arubiano y General Manager den e persona di sr.Gibbs, asina minister Dangui Oduber a trece dilanti.
Minister Dangui Oduber a trece dilanti cu den e maneho di gobierno aki ta stimula tur hotel pa apunta un General Manager Arubiano. Ya por tuma nota cu na diferente hotel esaki ta e caso manera na Hyatt Place, Divi Phoenix, Divi Golf y awor na Aruba Beach Club. Finalmente e mandatario ta felicita sr. Narshell Gibbs cu su reto nobo y desea sr. Gibbs tur clase di exito pa futuro den su function nobo.