Minister Dangui Oduber cu felicitacion na FADA cu nan 35 aña di Aniversario
ORANJESTAD – Diahuebs anochi minister di Salubridad Publico sr. Dangui Oduber a hiba palabra na e recepcion di e celebracion di 35 anniversario di FADA. Durante e mandatario su discurso e la enfoca riba e programma di gobernacion, unda ta duna atencion debido riba e tema di salud mental.
“Manera nos sa, addiccion ta cai den categoria di salud mental. Pa cu esaki y por medio di Sociaal Crisisplan a pone e fondonan necesario pa bini cu programanan di prevencion y conscientisacion riba terreno di addiccion especialmente pa cu nos mucha- y hobennan” esei tabata palabranan di minister Dangui Oduber.
Proyectonan cu enfoce riba salud mental
B-Smart: Programma caminda muchanan den 5de y 6de klas di scol basico por medio di modules ta wordo educa riba e thema di addiccion y su consecuencianan.
Fact-Team kind en jeugd: Esaki ta un team multidisciplinario caminda profesionalnan riba terreno di addiccion y psychiatria ta identifica y trata e mucha y/of hoben ambulatorio.
A amplia e FACT team di ‘volwassenen’ y a introduci un team special pa atende cu e addicto ambulante nan y asina preveni cu e situation ta escala.
Segun e mandatario pronto lo anuncia e plan integral di Ministerio di Salubridad Publico pa cu prevencion y tratamento di salud mental na Aruba. E pilar mas importante den e maneho aki ta pa hasi salud mental mas accesibel pa tur. Un pilar importante den esaki ta pa educa nos hendenan riba e tema aki, asina e mandatario a expresa.
E mandatario a felicita esnan cu a bin cu e iniciativa pa lanta un fundacion pa conscientisa y informa comunidad riba e consecuencianan di droga. Tambe e minister a gradici tur esnan cu ta labora na FADA pa di e forma aki sigui haci e trabou pa e lucha contra droga.
Finalmente e mandatario a expresa “Como Minister di Salud mi lo sigui enfoca y aloca lo necesario pa traha riba tereno di prevencion di addiccion. Masha pabien na FADA cu su 35 aña di trabao riba terreno di addicion.