Minister Dangui Oduber den presencia di tur stakeholder den salud na Aruba y tambe PAHO y WHO a lansa oficialmente e Plan Nacional di Prevencion den Salud. E plan aki ta conforme programma di gobernacion y ta un plan integral caminda tur stakeholder a haya particiapacion. E plan aki ta wordo carga pa e filed y esaki ta sumamente importante.
Ta di sumo importancia pa ehecucion di e plan aki pa tin e instrumentonan y proyectonan pa haci e plan aki uno exitoso.
Considerando e importancia di e plan aki for di hopi tempo minister Oduber a introduci un pilot proyect yama Hoben Activo y Hoben feliz. E Proyecto aki ta Brinda oportunidad na muchanan y hobenan pa despues di orario di scol participa gratis na diferente disciplina di deporte. E health survey cu a wordo conduci na anja 2017 a indica cu solamente 50% di hobenan y adultonan ta participa activamente na actividadnan fisico. Un ser humano mester participa tur dia por lo menos 30 minuut na un actividad fisico. Den cuadro di esaki e meta di e Proyecto aki ta pa stimula participacion activo di nos muchanan y hobenan na deporte. Minister Dangui Oduber kier stimula y motiva nos communidad pa biba saludabel, come saludabel y haci ehercicio.
Manera e Proyecto aki lo bini hopi otro Proyecto pa asina ehecuta e plan nacional di prevencion. Un communidad saludabel ta aumenta e productividad, ta reduce abesentismo na trabou, tin un communidad mas feliz y menos gasto pa fondo di AZV.
