Minister Dangui Oduber encarga cu Turismo, Salubridad Publico y Deporte a hiba palabra na e evento organisa pa Directie Volksgezondheid pa conmemora e di 100 aña di existencia di Salubridad Publico aki na Aruba.
E mandatario encarga cu Salubridad Publico a hasi un bishita na e evento ya menciona y a hiba palabra gradiciendo tur e empleadonan den e sector di Salubridad Publico pa nan trabou y dedicacion. Den e mesun evento aki a celebra e jubileum di algun empleadonan di Directie Volksgezondheid y e Minister a felicitanan y alabes gradicinan pa nan anjanan di servicio na Salubridad Publico.
Minister Dangui Oduber kier manda un palabra di danki na tur empleadonan den e sector di Salubridad Publico y gradicinan pa nan dedicacion na salud general pa nos pueblo.
E Minister ta compromete su mes cu Aruba lo bai conoce un avanse grandi locual ta regarda Salubridad Publico bou su maneho. Nos cuidadanonan cu tanto a anhela pa un miho cuido y calidad al fin lo bai mira esaki cristaliza bou e maneho di Minister Dangui Oduber.
8 December, 2017