ORANJESTAD (AAN)- Durante un anochi masha ameno yena cu aire competitivo, Minister di Turismo, Salubridad Publico y Deporte hunto cu Aruba Tourism Authority, Aruba Airport Authority, Tiera del Sol y Divi Links a celebra inicio di e torneo di golf Aruba Cup.
Den e torneo aki, dies di e miho hungador nan di golf for di e “Canadian Mackenzie PGA Cup “ a enfrenta e dies miho hungador nan di “PGA Latin America”.
Su Excelencia Ministro di Turismo, Salubridad Publico y Deporte a efectua e acto di apertura y a felicita nos Isla di Aruba pa ta anfitrion di un evento asina importante y excelente. Ta pa di dos aña caba cu e evento aki ta tuma lugar y nos ta yame bonbini pa hopi mas aña.
Su Excelencia a bisa tambe cu semper nos ta promove nos beachnan, nos trahadornan cu experiencia y hopi diferente otro tournan y experiencianan, pero e ta honra cu nos tin e dies mihor hungadornan di Golf for di e “Canadian Mackenzie tour” cu lo enfrenta e mihor dies hungadornan di “Latin American PGA tour”. E compentencia lo ta duru pero e resutado lo trese nan mas serca di otro den nan Status profesional tan mereci.
Minister Oduber a desea tur hungadornan un bon estadia riba nos Isla y ta spera cu manera semper nan lo bin bek pa goza di nos Isla como turista. E ta felicita tur team di e diferente continentenan y e team local cu a organiza e evento aki.
December 16, 2017