Olimpiada Escolar

Olimpiada Escolar

Olimpiada Escolar a inicia na aña 2002 bou maneho di ex Minister di Deporte sr. Ramon Lee. E evento di olimpiada escolar a wordo descontinua algun aña atras y e efecto negativo cu esaki a trece cu ne tabata notabel. Pa es motibo, Minister Dangui oduber a duna di conoce cu bou di e maneho nobo di deporte, a percura pa trece esaki bek, pa por stimula deporte cerca nos hobennan.  Na banda di esey a uza e evento aki pa por duna un conscientisacion na nos hobennan riba e parti di ecologia, como tambe a tuma e oportunidad pa duna reconocemento na Rufo Kelly, un persona cu a aporta grandemente na deporte escolar.

Esaki ta parti di nos vision pa stimula deporte, stimula nos muchanan pa haci deporte y participa activamente na deporte. Pa tur cos cana manera cu mester ta gobierno a dicidi di instala un comision special pa organisa e Olimpiada Escolar.

Deporte ta un instrumento necesario den bida di nos tur como ciudadano di un pais. Hopi bes nos no ta para keto y reflexiona riba e importancia cu esaki tin pa e desaroyo di nos bida y tambe comunidad. No solamente e parti fisico, cual mas cu claro ora di practica un deporte, bo ta yuda tene bo curpa mas saludabel. Sino e hermandad, e union unico cu deporte ta trece cu ne, ta locual cu ta haci e comunidad solido.

Olimpiada Escolar 2018-2019 tabata uno sumamente exitoso caminda a participa un cantidad di 1500 mucha entre 42 skol den diferente disciplina den deporte.