PA AÑA 2018 MINISTER DANGUI ODUBER TIN HOPI PLANNAN PA CONCRETISA

E Minister encarga cu Turismo, Salubridad Publico y Deporte, Sr. Dangui Oduber tin hopi plannan pa bai concretisa den e periodo di gobernacion nos dilanti. Nos pais actualmente mester di mandatarionan cu vision y cu sa con pa deriva esakinan den plannan di maneho concreto y realistico pa na su turno wordo ehecuta cu bon resultado a termino largo. E mandatario actual encarga cu Turismo, Salubridad Publico y Deporte ta cla pa demostra pueblo completo cu e lo bai hasi un diferencia grandi den e carteranan cu ta resorta bou su
Ministerio.

Salubridad Publico ta un prioridad grandi pa e Minister actual y ta bai pone hopi esfuerso y recursonan den e sector aki cu ta afecta cada un di nos, pa di e forma aki trece e confiansa bek den nos sistema di cuido aki na Aruba. Ta hopi hende no ta kere mas den nos sistema di cuido y a perde e confiansa y esaki tin su efectonan psycologico cune tambe. Pa e sector aki e mandatario tin plania pa lanta 5 diferente comision den e prome lunanan di anja 2018 porPa Turismo e Minister su vision ta pa dirigi esfuersonan pa atrae bishitantenan cu ta gosa di mas entrada resultando den bishitantenan cu ta gasta mas den nos economia y desaroya diferente “niche” markets pa Aruba. Tambe mehoracion di e calidad di e producto y servicio pa asina por atrae mas turista cu un poder di compra halto y ofrece productonan atractivo pa logra un aporte mas grandi na nos economia. E mandatario no ta kere den amplia e sector aki cu mas hotelnan grandi, e ta kere mas den hotelnan al estilo “boutique hotels” di mas o menos 60 camber. Den e prome dianan di gobernacion e Minister e reuni varios biaha cu ATA pa asina hanja informacionnan concreto di kiko ta nan maneho actual, riba kiko e
ta basa y estado di nan cuenta anual actual y e proyeccion di 2018. Por bisa cu a comparti cu ATA e vision di e gobierno nobo pa cu Turismo y ta trahando cu e oficina di Turismo di Aruba cu ta resorta bou e mandatario pa asina e vision di e mandatario por wordo ehecuta na un forma structura pa di e manera aki sigi fortalece nos unico pilar economico y crea mas entrada. A cuminsa tambe cu e prome pasonan, door di reuni cu Minister di Infrastructura huntu cu DOW y ATA pa asina ya kaba cuminsa delinea con ta bai drecha e areanan turistico entre otro banda di e “highrise hotels” pa asina duna un miho producto na e bishitantenan. Si bo kier atrae turistanan cu ta disfruta di un entrada halto y consecuentemente por gasta  mas, bo mester por ofrecenan tambe un bon experiencia y un producto di calidad. Den e
prome lunanan di anja 2018 lo informa pueblo di e plan di maneho concreto pa cu Turismo cu ta basta amplio.

medio di un decision ministerial (Ministeriële Beschikking). E prome comision lo bai tin e tarea pa reformula e ley di Beroepen In de Gezondheidszorg pa asina bin cu un concepto di ley pa por cuminsa encamina e caminda rekeri pa pronto nos por tin un ley di BIG cu lo duna e oportunidad na nos yuinan di tera cu a studia den Region, Europa of Merca pa por traha den nos sistema di  cuido pa asina aporta na un miho calidad di cuido pa nos cuidadanonan.

Por meciona cu Corsow ya kaba tin e ley aki di BIG y ta dunanando su frutonan na nos hermana isla Corsow. E di dos comision lo bai tin e tarea pa bin cu recomendacionnan y posibel solucionnan na e Minister, pa di un forma structura yega na solucionnan concreto pa locual ta e diferente problematicanan cu tin den nos Hospital. Un di e problematicanan sigur ta e lista di espera pa cu citanan pa cuido specialisa y e tempo di espera na e departamento di emergencia na Hospital. Y tambe sigur algo hopi importante e inspecion pa cu e calidad di cuido duna na hospital. E mandatario di Salubridad Publico ta kere tambe den pone e mediconan y dunadornan di cuido responsabel pa mal practica medico, na unda cu lo mester bai hancra esaki den un ley of amplia e ley di “Kwaliteit In de Gezondheidszorg”. E resultado di e esaki lo bai ta atencion igual y di calidad na cada pashent cu wordo trata. E di tres comision lo bai tin e tarea pa bai investiga henter e proceso di construccion di e hospital nobo, for di e proceso di “bidding” te na construccion di esaki. Loke ta regarda maneho di adiccion y problemanan mental sigur lo bai wordo restructura por completo di e manera cu esakinan lo bai wordo centralisa y lo cai bou un solo “capa”. E Minister ta kere sigur  cu bou e “capa” ey mester por tin tambe dos pa tres “Facts Team” cu lo bai concentra con pa trata cada pashent foi di un centro te den su “environment” na unda e pashent lo wordo trata extensamente. E di cuater comision cu lo wordo institui lo bai tin e tarea pa bin cu e miho structura posibel pa un maneho eficiente, efectivo y structura pa cu adiccion y problemanan mental aki na Aruba. E parti di otorgamento di permisonan tambe lo hanja e debido atencion di e mandatario den e forma di instituicion di un di cinco comision cu lo bai tin e tarea pa controla otorgamento di cada “koffiehuis/restaurant” y “slijtvergunning”.

E plan di maneho concreto pa cu Salubridad Publico lo wordo publica den e prome lunanan di aña 2018. E mandatario di Deporte ta sigura di lo rebiba deporte bek aki na Aruba y cu e tematica aki sigur lo hanja su debido atencion. Un punto hopi importante ta trece bek e competencianan escolar pa asina stimula deporte escolar na Aruba. Mantenimiento di nos facilidadnan deportivo mester bai wordo hasi regularmente cu un “schedule” continuo pa asina garantisa un estado respetabel pa cu nos facilidadnan deportivo pa nos hobennan practica deporte. E Minister di Deporte ta kere sigur den un restructuracion completo di IBISA pa asina por garantisa cu e vision y plan di maneho pa cu deporte di e Minister wordo bon ehecuta. Pa hasi e restructuracion di IBISA uno sigur y existoso e Minister tin plania pa lanta un di seis comision cu lo bai tin e tarea pa bin cu un plan di structura efectivo pa cu IBISA.
Ta bon pa menciona cu cada comision lo bai consisti di maximo 5 persona y lo bai ta  multidisciplinario. Di e forma aki Minister Dangui Oduber ta informando pueblo debidamente pa asina nos comunidad wordo continuamente bon informa kiko tur por spera di dje como Minister den e periodo di gobernacion nos dilanti.

28 December, 2017