Proyecto di Facilidad Mulitfunctional na Ex Prinses Christina School
Lo bay converti ex Prinses Christina School den un facilidad multifunctional pa atrae e muchanan di San Nicolas pa bin haci actividadnan fisico. E proyecto aki lo bay ta un proyecto cu lo wordo ehecuta den tres fase.
E prome fase di e proyecto lo ta un compleho deportivo unda cu lo pone canchanan di beach soccer, beach tennis y beach volley hunto cu un tribune y espacio cubri, pa esnan cu ta haci uzo di e facilidad. Tin un area cu tin sombra tambe na dje.
Siguiente fasenan lo drecha e scol y haci’e un facilidad multifuncional, unda cu por haci actividadnan deportivo, musical y otro actividadnan, pa asina San Nicolas por haya un facilidad nobo y diferente cu por haci uzo di dje.
Ex Prinses Christina School a wordo neglisha pa hopi aña y e ta den un super mal estado. Apesar di e problema financiero cu e gobierno aki a hereda, a logra aloca fondonan necesario pa e proyecto chikito aki cu lo tin un impacto grandi pa e bario y districto di San Nicolas.
