Proyecto pa embeyecimento di Baby Beach y Rogers Beach
Baby Beach
Pa loke ta Baby Beach caminda Lone Palm Stadium ta situa, lo bay eleva e area aki su infrastructura. Lo bin cu area di parkeerplaats, facilidadnan di bañonan, tambe ta buscando inversionistanan pa inverti den un restaurant/café. Caminda antes tabata e tennis court nan tambe lo bin un diseño moderno y completamente nobo pa crea un facilidad multi-functional cu por wordo usa pa muchanan, hobennan y deportistanan. Lo elimina e 4 canchanan bieu di tennis y na su lugar lo pone un cancha di beach tennis, un cancha di volley ball, un cancha di basketball y un cancha di tennis completamente nobo. Tambe lo pone un facilidad caminda lo bin un persona pa cuida y mantene tur e facilidadnan menciona.
Rogers Beach
Rodgers Beach tambe lo conoce desaroyo, aki lo drecha e piernan completamente pa localnan, turistanan y nos piscadornan por haci uso di esaki. Mescos cu na Baby Beach, Rogers Beach tambe lo haya facilidadnan di bañonan. Lo bay construi kioskonan caminda lo bende refreshments y cuminda pa e localnan y turistanan.
E proyecto di Baby Beach y Rodgers Beach lo wordo cubri cu entre otro fondo nan di A.T.A., T.P.E.F. y infrastructura. Nos hendenan local pero tambe turistanan cu ta bishita nos isla Aruba lo ta bai tin mas facilidadnan pa haci uzo di dje den e area aki pa asina brinda un miho experencia.