Proyectonan di Iluminacion y material pa clubnan Deportivo
Deporte ta un instrumento importante pa nos pais. E ta percura pa entre otro un bida mas saludabel, tanto fisico como mental, e ta tene hobennan leu di delincuencia y ta siña nan disciplina. Sin deporte, un nacion no tin bida. Minister Dangui Oduber ta sigui cumpli apesar cu e fondonan pa deporte ta hopi limita, asina mes a haci hopi pa deporte. A yuda diferente clubnan cu material, airco y awor iluminacion. E deportistanan cu tabata tin mester di un of otro yudansa pa haci nan deporte tambe a haya ayudo via Sportsubsidie.Veld di Kudawecha, Flatstone Ballpark, Sport Centrum San Nicolas y Dragon Hitters ta entre esnan cu a ricibi iluminacion.
SV SportBoys a ricibi airconan nobo y otro clubnan Deportivo , manera SV Estrella, Centro di bario Noord & Noord Taekwondo.