ORANJESTAD - Aruba Airport Authority N.V. (AAA), e compania cu ta maneha y opera Aeropuerto Internacional Reina Beatrix (AIRB) den presencia di Minister di Turismo Sr. Dangui Oduber a introduci un logo oficial pa aeropuerto cu ta separa for di e logo existente cu ta wordo usa pa identifica AAA como e autoridad. Ora di crea e logo pa AIRB e obhetivo tabata pa e logo ta representativo di Aruba y tambe relatabel pa e comunidad di Aruba. E logo pa AIRB ta consisti di Aloe Vera, e Solo, Flecha y e Codico Internacional di aeropuerto pa Aeropuerto Internacional Reina Beatrix:
- E Aloe Vera ta un di Aruba su medionan di entrada mas bieu. E mata aki tabata e producto mas substancial cu tabata wordo distribui rond mundo for di Aruba. Pa haci esaki conmemorativo, e Aloe Vera a wordo inclui como un simbulo nacional
- Cu solo henter anja den Caribe, e solo ta importante pa e turismo di Aruba. Turistanan ta keda bin bek Aruba pa motibo di nos clima
- Aeropuerto di Aruba ta brinda servicio na diferente mercado den diferente region rond mundo cu 30 gateway parti over di tur e mercadonan. E flechanan ta representa e diferente mercadonan y destinacionnan for di y pa Aruba unda e color Corra ta representa e mercado Mericano, Oranje representando e mercado Canades, Geel representando e mercado Europeo, berde representando e mercado Latino Americano y Blauw representando e mercado Caribense.
- “AUA” ta e codigo di aeropuerto internacional cu ta wordo usa pa Aeropuerto Internacional Reina Beatrix
“Nos ta kere cu e ta hopi importante pa aeropuerto tin su propio branding separa for di e compania/autoridad cu ta maneh’e. Nos no ta cambiando e logo existente, esei lo keda wordo usa exclusivamente pa AAA. Nos ta convenci cu e logo pa AIRB ta refleha e herencia cultural di nos isla y lo yuda diferencia aeropuerto di Aruba mas ainda for di otro aeropuertonan den region,” asina CEO di AAA Sr. James Fazio a bisa riba e introduccion di e logo nobo pa AIRB.
Na mes momento di lansa e logo nobo pa AIRB, aeropuerto a revela tambe e borchi nobo na entrada di aeropuerto cu lo capta e atencion di tur bishitante di aeropuerto na momento di yega aeropuerto di Aruba.
E logo pa AIRB lo wordo usa pa brand aeropuerto riba tur plataforma di social media y na aeropuerto mes. Bishitantenan di aeropuerto por saca un potret na e entrada di aeropuerto unda e borchi ta y post esaki riba facebook/twitter/instagram usando e hashtag #AUAairport pa hanja e oportunidad di gana articulonan promocional cu e logo nobo riba dje.