“Salubridad” sigur ta un area cu hopi reto, pa locual lo sigi na trece solucionnan duradero, entre otro reduci e tempo di espera na Spoed Eisende Hulp (SEH), pa servicio medico specialisa y tambe e servicio medico general cu nos conoce como dokter di cas.
- Lo implementa e ARUBIG;
- percura pa e website di AruBIG ta up to date;
- enfoca riba automatisacion na tur su departamentonan, entre otro e proyecto di automatisacion na Departamento di salubridad publico (DVG) cu implementacion di e “Electronic Green card”;
- sondia posibilidad pa privatisa parti di Servicio Veterinario;
- Implementacion di ley di cacho;
- cambionan organisatorio na Departamento di Salubridad Publico y Servicio Veterinario;
- bin cu iniciativa di ley pa regula e cantidad di clinicanan na Aruba;
- percura pa Aruba su Salubridad Publico ta cumpli cu exigencianan internacional di “World Health Organisacion”, “Pan American Health Organisacion” y “Internacional Health Regulations”;
- personanan cu problema di salud mental lo haña mas atencion por medio di e programanan cu ta resultado di integracion di cuido psyciatrico y cuido pa adiccion, dirigi riba gruponan di risico manera hobennan y hende muhernan cu ta sufri di depression y abuso sexual;
- aña 2020 SVB, nos banco di Seguro social lo finalisa su proceso di digitalisacion como tambe expansion di edificio di SVB;
- introduci reglamentacion cu lo haci posibel e legalisacion di cannabis medicinal;
- lo pone enfasis riba reglamentacion y ley pa pa facilita benta di producto deriva di cannabis manera azeta di cannabis, crema di cannabis etc., locual ta productonan cu por wordo cumpra den boticanan y tambe tur otro localidadnan cu kier bende esaki, mane ta e caso na hopi pais na mundo caba;
- lo cuminsa un proceso di ilustracion di e cantidad di caloria riba e menu di restaurantnan na Aruba pa asina nos comunidad ta mas conciente di nan consumo di caloria.
