Pa “Deporte” lo bai pone hopi mas enfasis riba e parti di mantencion di e facilidad Deportivo y tambe lo sigi cu e campaña pa mas movecion cu lo resulta den prevencion di hopi problemanan fisico y medico. E plan di prevencion lo continua cu esaki cu mas enfasis den cooperacion cu IBISA.
Den e arena di deporte aña 2020 lo ta un aña excepcional.
- Ministerio di Deporte lo promove deporte como medio pa prevencion di malesanan.
- “Hoben Activo, Hoben Felis”, a inicia na SanNicolas y awo lo wordo expandi na otro barionan siguiendo pa brazil y dakota.
- campaña di conscientisacion “50 rason pa hasi deporte”, cu lo wordo dirigi na muchanan di peuterschool te na studiantenan di scol secundario.
- Lo enfoca riba mas movecion pa nos grandinan esaki pa stimula desaroyo mental, social y fisico como tambe reduci sobrepeso y obesidad.
- Sosten pa cu Arubaanse Voetbal Bond (ABV) cu tin como meta pa promove futbol entre nos hobenan y specialmente nos damas.
- Lo inicia e proceso pa calibra e ruta pa nos famoso “Aruba Internacional Half Marathon” pa obtene reconocemento internacional y asins pa promove Turismo di deporte.
- “Aruba Beach Tennis y “KLM Marathon” lo sigui haña sosten di Minsiterio di Turismo, Salubridad y Deporte,
- “Instituto Biba Saludabel” (IBISA) a cumnsa na aña 2019 cu e projecto pa traha un systema di registracion digital pa nos atletanan local y lo finalisa na aña 2020.
- AVB, FIFA hunto cu Minsterio di Turismo, Salubridad y Tursimo lo cuminsa cu mantencion na diferente veldnan Deportivo rond di Aruba y unda mester lo pone ilumiacion como tambe “yerba artificial” e asina yama “turf”.
- Intencion di Gobierno di Aruba pa lanta un Lotto nobo cu realmente lo duna aporte na deporte di Aruba por medio di mantencion/ construccion di facilidadnan Deportivo como tambe un plan di mantencion di esaki nan.