ORANJESTAD – Despues cu pa hopi aña, e Little League Ballpark na Dakota a keda abandona y di cual no a resta nada mas, gobierno a priminti di lo bin cu uno nobo eynan. Asina minister encarga cu deporte Dangui Oduber a anuncia e siman aki.
DISEÑO
Awor ta bay cuminsa cu e diseño oficial mientras lo buska financiamento necesario. Na e momento nan aki, ya caba Lotto pa Deporte a ricibi carta di Minister pa nan coopera y pone e fondonan necesario disponibel pa por realisa e proyecto aki. Ta spera cu construccion lo cuminsa e aña ki pa asina por oficialmente inaugura e Ballpark na 2019.